Մաշկի երիտասարդացման պարզ բաղադրատոմս. news.am

Wnews.am-ի առաջարկած  դիմակը շաբաթական 2-3 անգամ օգտագործելով՝ մեկ ամսից կնկատեք, որ երիտասարդացել եք մի քանի տարով։ Դիմակի բաղադրությունը շատ պարզ ու հասանելի է.

Անհրաժեշտ է չորացրած ջրիմուռ՝ լամինարիա, որը կարող եք ձեռք բերել դեղատնից։

Բաժակի մեջ լցրեք երկու թեյի գդալ ջրիմուռ, ավելացրեք չորս գդալ եռացրած ջուր, խառնեք եւ թողեք տասը րոպե։ Կարեւորը՝ ջուրը շատ չլցնել, որպեսզի ստացվի այնպիսի զանգված, որը մնա դեմքին։

Այնուհետեւ ավելացրեք մի քանի կաթիլ կիտրոնի հյութ (եթե ունեք ճարպոտ մաշկ) կամ վիտամին E-ի լուծույթ (եթե մաշկը չոր է)։

Խառնեք այս ամենը եւ մատների ծայրերով քսեք դեմքին, թողեք 20-25 րոպե։ Դիմակը լվացեք տաք ջրով։ Ցանկալի է դիմակը քսել երեկոյան։

Արդյունքում մաշկը ձգվում է, փայլուն եւ առողջ տեսք է ստանում։

Հարցեր, պատասխաններ, մեկնաբանություններ